ਬੱਸ ਸਟੈਂਡ, ਸੜਕਾਂ ਤੇ ਬਜ਼ਾਰਾਂ ਰਹੇ ਸੁੰਨਸਾਨ
ਸੁਖਜਿੰਦਰ ਮਾਨ
ਬਠਿੰਡਾ, 26 ਮਾਰਚ : ਸੰਯੁਕਤ ਕਿਸਾਨ ਮੋਰਚੇ ਦੇ ਸੱਦੇ ’ਤੇ ਅੱਜ ਭਾਰਤ ਬੰਦ ਦੇ ਦਿੱਤੇ ਸੱਦੇ ਨੂੰ ਬਠਿੰਡਾ ’ਚ ਭਰਵਾਂ ਹੂੰਗਾਰਾ ਮਿਲਿਆ। ਹਾਲਾਂਕਿ ਕਿਸਾਨਾਂ ਜਾਂ ਇਸਦੇ ਸਮਰਥਕਾਂ ਵਲੋਂ ਸ਼ਹਿਰ ਵਿਚ ਕੋਈ ਰੈਲੀ ਜਾਂ ਧਰਨਾ ਨਹੀਂ ਦਿੱਤਾ ਗਿਆ ਪ੍ਰੰਤੂ ਸ਼ਹਿਰ ਦੇ ਵਪਾਰਕ ਅਦਾਰੇ ਤੇ ਦੁਕਾਨਾਂ ਆਦਿ ਬੰਦ ਰਹੀਆਂ ਤੇ ਸੜਕਾਂ ਉਪਰ ਸੁੰਨਸਾਨ ਛਾਈ ਰਹੀ।
ਇਸ ਦੌਰਾਨ ਸ਼ਹਿਰ ਦੇ ਨਜਦੀਕ ਭਾਈ ਘਨ੍ਹੱਈਆ ਚੌਕ ਵਿੱਚ ਦਰਜ਼ਨਾਂ ਕਿਸਾਨ ਜਥੇਬੰਦੀਆਂ ਤੇ ਭਰਾਤਰੀ ਜਥੇਬੰਦੀਆਂ ਵਲੋਂ ਸਵੇਰੇ ਤੋਂ ਸ਼ਾਮ ਤੱਕ ਜਾਮ ਲਗਾਇਆ ਗਿਆ। ਉਂਜ ਇਸ ਧਰਨੇ ਕਾਰਨ ਬਠਿੰਡਾ-ਸ੍ਰੀ ਅੰਮਿ੍ਰਤਸਰ ਅਤੇ ਬਠਿੰਡਾ-ਮਲੋਟ-ਮੁਕਤਸਰ ਰੋਡ ਉਪਰ ਕਈ ਵਹੀਕਲ ਜਾਮ ’ਚ ਫ਼ਸੇ ਰਹੇ। ਆਮ ਲੋਕਾਂ ਨੂੰ ਇਹ ਧਰਨਾ 9-10 ਤੋਂ ਬਾਅਦ ਸ਼ੁਰੂ ਹੋਣ ਦੀ ਉਮੀਦ ਸੀ ਪ੍ਰੰਤੂ ਵੱਡੀ ਗਿਣਤੀ ਵਿਚ ਕਿਸਾਨ ਮਿੱਥੇ ਸਮੇਂ ਅਨੁਸਾਰ ਛੇ ਵਜੇ ਹੀ ਧਰਨਾ ਲਗਾ ਕੇ ਬੈਠ ਗਏ। ਇਸ ਦੌਰਾਨ ਸ਼ਹਿਰ ਤੋਂ ਬਾਹਰਲੇ ਖੇਤਰਾਂ ਜਿੱਥੇ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾ ਵਲੋਂ ਧਰਨੇ ਲਗਾਏ ਗਏ, ਉਹ ਸਵੇਰੇ 11 ਵਜੇਂ ਤੋਂ 4 ਵਜੇਂ ਤੱਕ ਹੀ ਲੱਗੇ। ਉਂਜ ਕਿਸਾਨਾਂ ਵਲੋਂ ਮੈਡੀਕਲ ਤੇ ਐਮਰਜੈਂਸੀ ਸੇਵਾਵਾਂ ਨੂੰ ਪੂਰੀ ਤਰ੍ਹਾਂ ਛੋਟ ਦਿੱਤੀ ਗਈ। ਇਸ ਛੋਟ ਦੇ ਬਾਵਜੂਦ ਸ਼ਹਿਰ ਵਿਚ ਟਾਵੇਂ-ਟਾਵੇਂ ਲੋਕ ਹੀ ਨਿਕਲੇ। ਆਵਾਜਾਈ ਪੂਰੀ ਤਰ੍ਹਾਂ ਠੱਪ ਰਹੀ ਅਤੇ ਬਜ਼ਾਰ ਬੰਦ ਰਹੇ। ਕਿਸਾਨਾਂ ਦੀ ਹਿਮਾਇਤ ’ਚ ਪ੍ਰਾਈਵੇਟ ਬੱਸ ਅਪਰੇਟਰਾਂ ਨੂੰ ਬੱਸਾਂ ਬੰਦ ਰੱਖੀਆਂ। ਸਵਾਰੀਆਂ ਦੀ ਘਾਟ ਕਾਰਨ ਸਰਕਾਰੀ ਬੱਸਾਂ ਵੀ ਨਾਮਤਾਰ ਹੀ ਚੱਲੀਆਂ। ਇਸੇ ਤਰ੍ਹਾਂ ਮੈਡੀਕਲ ਸਟੋਰ ਤੇ ਕੁੱਝ ਜਰੂਰੀ ਵਸਤੂਆਂ ਨੂੰ ਛੱਡ ਸਾਰੇ ਵਪਾਰਕ ਅਦਾਰੇ ਬੰਦ ਰਹੇ। ਬੇਸ਼ੱਕ ਬੈਂਕ ਖੁੱਲੇ ਰਹੇ ਪ੍ਰੰਤੂ ਗ੍ਰਾਂਹਕ ਬਹੁਤ ਘੱਟ ਆਏ। ਇਸੇ ਤਰ੍ਹਾਂ ਸਰਕਾਰੀ ਦਫ਼ਤਰਾਂ ਵਿਚ ਮੁਲਾਜਮਾਂ ਵਿਚ ਛੁੱਟੀ ਵਾਲਾ ਮਾਹੌਲ ਰਿਹਾ।
No comments
Post a Comment
Users are strongly suggested to read the commenting guidelines and rules at the this link :
ਪਾਠਕਾਂ ਨੂੰ ਇਸ ਲਿੰਕ ਤੇ ਟਿੱਪਣੀਆਂ ਦੇ ਦਿਸ਼ਾ-ਨਿਰਦੇਸ਼ਾਂ ਅਤੇ ਨਿਯਮਾਂ ਨੂੰ ਪੜ੍ਹਨ ਲਈ ਪੁਰਜ਼ੋਰ ਸੁਝਾਅ ਦਿੱਤਾ ਗਿਆ ਹੈ
Link to Commenting Guidelines